|
Baydhabo,(insidesomalia.org ): Shir ay isugu yimaadeen Golaha Wasiirada Xukuumadda Federaalka Soomaaliya oo looga hadlay xaaladda Dagaal ee haatan ka taagan Magaalada Muqdisho, isla markaana uu shir gudoominayay sii hayaha Xilka Ra,iisul Wasaaraha Prof. Saalim Caliyow Ibrow ayaa waxaa ka soo baxay go'aano ku saabsan Dagaallada ay Dadka badan ku dhinteen ee ka socomaya Magaalada Muqdisho.
Go'aannada ka soo baxay Shirka Golaha Wasiirrada oo uu Saxaafadda u aqriyay Wasiirka Warfaafinta Madoobe Nuunow Maxamed ayaa waxaa ka mid ahaa in dhibaatada Dagaal ee Dalka ka socota ay yihiin kuwo soo socday ilaa intii kooxaha la magac baxay Muqaawamada ay soo weerareen Magaalada Baydhabo oo Xarun u ah Dowlada Fidaraalka KMG Soomaaliya,
Golaha Wasiirrada waxay sheegeen in ay aad uga xun yihiin dhibaatada ka dhacday Magaalada Muqdisho, waxayna tacsi u direen Eheladii Dadkii ku geeriyoodey Dagaalka.
Golaha Wasiirrada ayaa ugu baaqay dhinacyada Dagaalka ka wada Magaalada Muqdisho in ay Dagaalka joojiyaan, isla markaana aan lagu dul-dagaalamin Dadka rayidka ah, iyagoo Shacabkana ugu baaqay in aysan gabaad siinin Kooxaha ka soo horjeeda Dowladda.
Hay'adda Samafalka ayay ugu baaqeen Xubnaha Golaha Wasiirrada ee shirka isugu yimid in ay gurmad deg deg ah la soo gaaraan Dadka ka barakacay Magaalada Muqdisho ee ku sugan Duleedka Muqdisho, iyo degmooyinka ku dhow, iyagoo balan qaadey in ay la shaqeyn doonaan Hay'adaha gargaarka.
Ugu dambeyntiina, Xubnaha Golaha Wasiirrada waxay ugu baaqeen Qaramada Midoobay, Midowga Afrika, Jaamacadda Carabta iyo Dalalka Afrikaanka ah ee horay u ballanqaaday in ay Ciidamo geynayaan Soomaaliya in ay dedejiyaan Ciidamada ay Soomaaliya u dirayaan.
Waxeyna umahad celiyeen Golaha Wsiirada Dalalkii Ciidamadooda horay u keeney Soomaaliya iyo kuwa haatan ku hawlan in ay Ciidamadooda usoo diraan Somaliya.
 |
Siyaasadda | Somaliya 
![Alicia Keys - Superwoman [Live in Madrid]](http://i.ytimg.com/vi/zv58O2mqWS0/default.jpg "Alicia Keys - Superwoman [Live in Madrid]")
Subscribe to this comment's feed